Category

Uncategorized

Монголын худалдаа аж үйлдвэрийн танхимын Оны онцлох Аж ахуй нэгжээр 7 дахь удаагаа Тэсо корпораци дахин шалгарч Туг өргөх ёслолд оролцлоо.

By | Uncategorized | No Comments

Монголын худалдаа аж үйлдвэрийн танхимын Оны онцлох Аж ахуй нэгжээр 7 дахь удаагаа Тэсо корпораци дахин шалгарч Туг өргөх ёслолд оролцлоо.

                  

Тэсо корпорацийн “Зөв багачууд” цэцэрлэг нээлтээ хийлээ

By | Uncategorized | No Comments

Т эсо корпорац нийгмийн хариуцлагын хүрээнд олон үйл ажиллагаа зохион байгуулдаг. 2019 онд хийгдэж байгаа бас нэгэн томоохон үйл ажиллагаа бол ажилчид болон, бяцхан хүүхдүүддээ зориулж СХДүүргийн 55-р цэцэрлэгийн салбар Тэсо корпорацийн дэргэдэх Зөв багачууд цэцэрлэгийг улсдаа хүлээлгэн өглөө.

Нийгэмд хурцаар тулгамдаад байгаа асуудал бол цэцэрлэгийн хүрэлцээгүй байдал энэхүү асуудлыг Тэсо корпорацийн ажилчид сэтгэл ханамжийн судалгаагаараа илэрхийлсэн бөгөөд үүн дээр үндэслэн удирдлагууд зүгээс энэхүү саналыг хүлээн авч цэцэрлэг барих ажлыг гүйцэтгэсэн байна.

“Зөв багачууд” цэцэрлэгийг бий болгосноор ажилчдын хүүхдүүд эрүүл аюулгүй орчинд, зөв хамт олны дунд өсөн хүмүүжихээс гадна  ажилчид хүүхэддээ санаа зоволгүй амар тайван ажлаа хийх, ажлын бүтээмжээ дээшлүүлэх, замын түгжрэлд илүү цаг зарцуулахгүй нэг газарт байх,  санхүүгийн хувьд илүү зардал гаргалгүй хэмнэлт хийх гээд олон давуу талтай юм.

Нөгөө талаараа Зөв багачууд цэцэрлэгт сурсан хүүхэд бүр зөв сэтгэлгээтэй, зөв хүмүүжилтэй, зөв иргэн болон төлөвшиж ирээдүйд Монгол улсыг зөв замаар чиглүүлэх зөв иргэн болж төлөвших юм.

Тэсо корпораци ажилчдаа мотивацжуулах, тэдний сэтгэл ханамжийг дээшлүүлсэн үйл ажиллагааг шат дараалалтайгаар зохион байгуулдгаас гадна нийгмийн хариуцлага ухамсарласан нийгэмд ээлтэй олон ажлыг цаашид хийхээр төлөвлөж байна.

МИЛКО ХХК ISO 50001:2018 СТАНДАРТЫГ ҮЙЛ АЖИЛЛАГААНДАА НЭВТРҮҮЛЛЭЭ

By | Uncategorized | No Comments

ТЭСО корпорацийн сүү сүүн бүтээгдэхүүний чиглэлээр үйл ажиллагаа явуулдаг Милко ХХК эрчим хүчний менежментийн тогтолцоо ISO 50001:2018 стандартыг амжилттай нэвтрүүлж Германы TUV RHEINLAND компаниар баталгаажуулан гэрчилгээгээ гардан авлаа.
Милко ХХК Хүнсний аюулгүй байдлын удирдлагын тогтолцоо MNS ISO 9001:2016 стандарт, чанарын удирдлагын тогтолцоо MNS ISO 22000:2007 стандартуудыг нэвтрүүлж үйл ажиллагаагаа тогтвортойгоор явуулж ирсэн. Тус компани нь хүнс үйлдвэрлэлийн шат дамжлагын стандартуудыг амжилттай нэвтрүүлж олон улсын жишигт хүрснийг ийнхүү хүлээн зөвшөөрөв. Милко ХХК нь олон улсын удирдлагын тогтолцоо стандартуудыг үйл ажиллагаандаа нэвтрүүлэн баталгаажуулснаар ажилчдын эрүүл, аюулгүй ажиллах бүх нөхцөлийг хангасан, байгаль орчинд ээлтэй, эрчим хүчний хэмнэлттэйгээр, эрүүл баталгаатай хүнсийг үйлдвэрлэж байгаагаа батлан харуулж байна.
Милко ХХК-ийн энэхүү стандартыг хэрэгжүүлэхэд Европын сэргээн босголт, хөгжлийн банкнаас зөвлөх үйлчилгээнд санхүүгийн буцалтгүй тусламж үзүүлсэн.
Милко компани тогтолцоог нэвтрүүлэхдээ 1 уурын тоолуур, 16 ухаалаг цахилгааны тоолуурыг компаний дотоод сүлжээнд холбож эрчим хүчний хэрэглээндээ хяналт тавих боломжийг бүрдүүлжээ. Стандартыг нэвтрүүлэхдээ хөргөлттэй агуулахын автоматжуулалт, саарал усыг дахин ашиглаж оффисын халаалтанд хэрэглэх, цагийн менежмент хийж цахилгааны төлбөр бууруулах, гэрэлтүүлгийн эрчим хүчний хэмнэлт, шугам хоолойн дулаалга гээд багагүй ажил хийж жилд 100 сая төгрөгний хэмнэлтийг гарган авах ажил хийгээд байна. Үүний үр дүнд агаарт цацагдах CO2-г 26,667 кг-аар буурууллаа.

                 

Милко компани Монголдоо анх удаа Эрчим хүчний удирдлагын тогтолцоо ISO 50001 стандартын гэрилгээ гардан авлаа

By | Uncategorized | No Comments

Хүнс үйлдвэрлэх, тээвэрлэх, хадгалах, эцсийн дамжлага хүртэлх өргөн хүрээг хамарсан хүнсний аюулгүй байдлын удирдлагын тогтолцоо ISO 22000 стандартыг Милко ХХК амжилттай нэвтрүүлж, гэрчилгээгээ гардан авлаа. Мөн Монголдоо анх удаа Эрчим хүчний удирдлагын тогтолцоо ISO 50001 стандартыг Герман улсын TUV Reinland олон улсын баталгаажуулалтын компаниар баталгаажуулалтын аудит хийлгэж гэрчилгээгээ гардан авлаа.

Манай нь 2012 онд чанарын удирдлагын тогтолцоо ISO 9001 стандартыг нэвтрүүлж байсан туршлагатай. Тус стандартуудыг нэвтрүүлснээр хүнсний үйлдвэрийн сүлжээнд оролцож буй түүхий эдийн бэлтгэн нийлүүлэлтээс эхлэн хүнс үйлдвэрлэх, тээвэрлэх, хадгалах зэрэг эцсийн дамжлага хүртэлх бүх үйл ажиллааг зохицуулж, Дэлхийд өрсөлдөх гарааг тавьж өглөө. Милко ХХК нь өнгөрөгч буй онд ололт амжилтаар дүүрэн байлаа. Бид Монголдоо анх удаа орчин үеийн хатаалтын инновцилаг шинэ технологи болох нам температурын хатаах үйлдвэрийг ашиглалтад оруулж бүтээгдэхүүнийхээ чанар шимт байдлыг дээшлүүлэн ажиллаж, Зөв брэндийнхээ нэр төрлийг нэмэгдүүлж Зөв аарцан үрлийг зах зээлд нэвтрүүлэхээр баг бүрэлдэхүүн маань ажиллаж байна. Мөн олон сайхан нэр хүндтэй шагнал урамшууллыг хүртлээ. Зөв хатаасан аарц “Инновацийн шилдэг бүтээгдэхүүн”, “Оны шилдэг сүү, сүүн бүтээгдэхүүн үйлдвэрлэгч”, “Оны шилдэг татвар төлөгч”, “Топ 150 аж ахуйн нэгж”, ээр тодорсон зэрэг амжилтуудыг онцолж байна. Компанийнхаа хөгжил дэвшил бүтээн байгуулалтад үргэлж сэтгэл зүрхнээсээ оролцож байгаа компанийнхаа нийт ажилчиддаа гүн талархал илэрхийлье.

        

Спортлог Тэсочуудын 2019 оны шилдгүүд тодорлоо

By | Uncategorized | No Comments

Тэсо корпорацийн хувьд хүсэн хүлээдэг томоохон арга хэмжээнүүдийн нэг нь спорт наадам байдаг ба 2019 оны хувьд 1500 орчим ажилтан албан хаагчдынхаа авхаалж самбааг сорилоо. Ажилтан бүрийнхээ өсөн дэвжих, хөгжин цэцэглэх, цагийг үр бүтээлтэй өнгөрүүлэх, авьяас чадварыг хөгжүүлэхэд үргэлж анхаарч ажилладаг Тэсо корпорацынханы хувьд Тэсо Спортын Их наадмаа шатар, тэннис, сагсан бөмбөг, волейбол, дартс гэсэн таван төрлөөр Буянт ухаа спортын цогцолборт зохион байгууллаа.
12 салбар компануудын шилдэг гэсэн баг тамирчид цуглан авьяас чадвар, авхаалж самбаа, хурд хүчээ шалгасан өрсөлдөөнтэй хоёр хоног өнгөрсөн бөгөөд нээлтийн үйл ажиллагаанд Хасын Хүлгүүд багийн тамирчид хүндэтгэлийн тоглолт үзүүлж, Аз жаргалын амт Айсмарк компанийнхан уг наадамд зориулсан амтат зайрмагаараа бэлэг барьсан нь өмнөх жилүүдээс шинэлэг болж чадсан юм.
2019оны Тэсо спорт наадмын цомыг Айсмарк компанын хамт олон хүртэж спортлог байгууллагаар тодорсон юм. Шинэ залуу үеийн төлөөлөл ажилчдын дунд их байгаа нь спорт наадмыг өрсөлдөөнтэй, хөгжөөнтэй болгож байлаа.

Зүүн Өмнөд Азийн MSS 2019-д Тэсо корпораци оролцож байна

By | Uncategorized | No Comments

Монголын стартапуудын төлөөлөл болсон 27 залуу Сингапур дахь Монголын Элчин Сайдын Яам болон СТАРТ-н хамтран зохион байгуулж буй “Mongolian Startup Showcase 2019” (MSS) арга хэмжээнд оролцож байна. Энэхүү арга хэмжээний хүрээнд тэд 10 сарын 14-ны өдөр Google-ийн Ази, Номхон далайн Төв оффист өөрсдийн бизнесээ танилцууллаа. Энэхүү үйл явдал нь Монголын гарааны бизнесийн түүхэнд тодоор бичигдэх үйл явдал бөгөөд цаашилбал, Google-н Төв оффист анх удаа Монголын стартапууд олноороо танилцуулга хийснээрээ онцлог болсон юм.

Танилцуулах арга хэмжээнд Сингапур дахь Монголын Элчин сайдын яам болон СТАРТ-н урилгаар тухайн бүсийн 30 гаруй хөрөнгө оруулагч хүрэлцэн ирж стартапуудтай уулзаж боломжит хамтын ажиллагаа, хөрөнгө оруулалтын талаар ярилцлаа.

Зүүн өмнөд Азийн зах зээлд орох, хөрөнгө оруулагчидтай уулзах, хамтын ажиллагаа бий болгох, бусад төрлийн туршлага хуримтлуулах зорилготой MSS 2019-д Erxes, AnduudLab, FullBox, iHotel, MendMN, Gamma, Nomadd гэсэн стартапууд хамрагдсан юм. Харин Монголын корпорациудын төлөөлөл болж Мобиком корпораци, Тэсо корпораци, Отогэн холдинг нар оролцож байна.

Аливаа бизнес Олон улсад гарж, зах зээлээ тэлэхийн эхлэл нь тухайн бүс нутагтаа танилын хүрээ үүсгэх, бизнесийн тоглоомын дүрмийг ойлгох, соёлыг мэдрэх байдаг. Тийм ч учраас MSS 2019-ийн хүрээнд Монгол стартапууд нэгдэж бизнесийн аялал хийснээр өөрийн бизнесийг дараагийн түвшинд хүргэх, том зургаараа Монголын стартапын хөгжилд томоохон ахиц авчирч байна.

Арга хэмжээ нь гурван улсад гурван өдрийн турш үргэлжилнэ. Эхлээд Сингапурын гарааны бизнесийн зах зээлд амжилттай явж байгаа хөрөнгө оруулагч болон гарааны бизнесүүдтэй биечлэн уулзана. Ингэснээр манай гарааны бизнесүүд санхүү, хүний нөөц, удирдлага зэрэг дээрээ олон улсын түвшний мэдлэг мэдээлэл, туршлагыг авах боломжтой. Дараа нь оролцогч гарааны бизнесүүд маань өөрсдийн танилцуулгаа тэндхийн хөрөнгө оруулагч, ижил төстэй бизнес эрхлэгч зэрэг хүмүүсийн өмнө тавьж боломжит хамтын ажиллагаа, хөрөнгө оруулалтын талаар ярилцах юм. MSS 2019-г зохион байгуулснаар бид олон улсын түвшний мэдлэг, туршлагыг хуримтлуулж чадаж байгаа бөгөөд нөгөөтэйгүүр Зүүн өмнөд Азийн стартап, бизнесийн салбарын томоохон тоглогчдын анхаарлыг эх оронруугаа хандуулж чадлаа.

“Тэсо” корпораци шилдэг нийгмийн даатгал төлөгчдийн нэг боллоо

By | Uncategorized | No Comments

“ТЭСО” корпораци нь Монгол улсын хэмжээнд 45,6 мянган аж ахуй нэгжээс шилдэг 15 нийгмийн даатгалын шимтгэл төлөгч байгууллагын нэгээр шалгарлаа. Улсад нэг ч өдрийн хоцрогдолгүйгээр татвараа төлж, өргүйгээр шалгарсан аж ахуй нэгжүүд цөөхөн байдаг ба Тэсо корпорацийн хувьд 1500 гаруй ажилтан албан хаагчдынхаа өмнө хүлээсэн үүргээ нэр төртэйгээр биелүүлсээр ирсэн нь бахдам сайхан   байна. Ажилчид, албан хаагчдынхаа өмнөөс талархал илэрхийлье.

ТЭСО корпорацын хамт олон 15 дахь жилдээ бэсрэг наадмаа хийж, дэнж хотойтол дэлгэр сайхан наадлаа.

By | Uncategorized | No Comments

Нүүдлийн соёл иргэншил, өв заншил, түүх уламжлалыг хадгалсан хэрнээ өнөө цагийн хөгжил дэвшлийг шингээсэн дэлхийд ганцхан Монгол наадам. Уртын дууны шуранхайн дор эрийн гурван наадмаа дэглэж, урин цагийн нөмөрт эв эеэ хичээн, энэрэл хүндлэл түгээх дэргэдийн бахархал Монгол наадам.
Чухам ийм утга агуулгыг билэгдэн ТЭСО корпораци бэсрэг наадмаа жил бүр зохион байгуулсаар өдгөө 15 дахь онтойгоо золгож байна. Эх орноо хөдөлмөр зүтгэлдээ багтаан яваа 1200 гаруй ажилтан нэгэн сэтгэлээр наадамдаа тухалж, дурсамжтай цаг хугацааг хамтдаа бүтээв. Байгаль дэлхийтэйгээ зүс нэгдэн хөгжиж, баг хамт олонтойгоо зүг нийлэн хөөрөлдлөө. Уламжлал ёсоороо есөн цагаан тугаа ёслол төгөлдөр залж, ерэн зургаан бөхийнхөө уран барилдаанаар гоёв. Байгууллагын харваачид цэц мэргэнээ сорьж, бахархам сайхан аялгуугаар дуучид бэлэг барив.
Төв сайхан нутгийн торгон дэнж дээр налгар намрыг ивээсэн хөх тэнгэрээ мишээлгэсээр ТЭСО наадам өнгө тод, утга төгөлдөр зохион байгуулагдлаа. Сүүлийн хагас жилд хийсэн бүтээснээ дүгнүүлж, шагнал урамшууллын хур буулгасан гэрэлт өдрүүд байлаа. “Хамтын хүч” уралдаанд борлуулалтын дүнгээрээ тэргүүлсэн ажилтанд crown маркийн автомашиныг газар дээр нь өгөв. Мөн 10 шилдэг ажилтан харилцаа холбооны дэвшилтэт хэрэгсэл iPhone7 загварын гар утсаар шагнууллаа. Баялаг бүтээгч ТЭСО-той арван жил хамтдаа байсан 60 гаруй ажилтныхаа зүтгэл, чадварыг дэмжин урамшуулж БНХАУ-д аялж амрах эрхийн бичгийг хүндэтгэлтэйгээр гардуулав.
ТЭСО корпораци нь хүнс үйлдвэрлэл, барилгын салбарт дотооддоо хэдийнээ манлайлж, улмаар гадаадын зах зээлд бараа бүтээгдэхүүнээ экспортлон Монгол Улсаа дэлхийд таниулсаар явна. Корпорацийнхаа хөгжлийн тулгуур болсон нийт ажилтнууддаа ажил амьдралын өрнүүн бүхнийг хүсэж, ирэх жилийн намар илүү амжилттай золгон наадамлахыг ерөөе!