ДЭЛХИЙД ӨРСӨЛДӨНӨ
АЛХАМ АЛХМААР
КОМПАНИЙН ТУХАЙ
Дэлхийд өрсөлдөнө уриатай Тэсо корпорацийн үндэс суурь 2003 оноос улбаатай бөгөөд богино хугацаанд Үндэсний томоохон үйлдвэрлэгч болж чаджээ. Оновчтой шийдвэр зоригтой алхам, чадварлаг баг хамт олны нөр их хөдөлмөрийн ачаар өдгөө салбар бүрт манлайлж буй 14 компанийг байгуулж өмнөө тавьсан зорилгодоо хүрэхээр алхам алхмаар урагшилсаар байна. Тэсо корпораци нь удирдлага, менежментийн цар хүрээг корпорацийн хэмжээнд төлөвлөн хүнс, хүнсний бүтээгдэхүүн, барилга байгууламж, уул уурхай, зам тээвэр, гадаад харилцаа, импорт, экспортын чиглэлээр амжилтай ажиллаж байна.
Шинэчлэгдэж мэдлэгийн үрээр бүтээмжид чиглэж, хүнээ дээдлэн ухамсарт соёлыг төлөвшүүлэгч компани болохоор эрхэм зорилгын хүрээнд чөлөөтэй сэтгэж, цэгцтэй үйлдэх боловсролтой ажилчдаар эгнээгээ бүрдүүлэн Дэлхийд өрсөлдөх Монгол компанийг төгөлдөржүүлсээр байна.
АЛСЫН ХАРАА
Дэлхийд өрсөлдөнө,
Алхам алхамаар
УРИА ҮГ
Чөлөөтэй сэтгэж, цэгцтэй
үйлдэцгээе!
ЭРХЭМ ЗОРИЛГО
Шинэчлэгдэгч мэдлэгийн үрээр бүтээмжид чиглэж, хүнээ дээдлэн, ухамсарт соёлыг төлөвшүүлэгч байгууллага байна.
НИЙГМИЙН ХАРИУЦЛАГА
Үндэсний үйлдвэрлэгчдийн хувьд нийгмийн сайн сайхны төлөө бусдыгаа манлайлах, уриалан дуудах, ард иргэдийн амжиргаа агаад сэтгэлзүйг байнгын тогтвортой байлгахад анхаарч ажиллах нь хүрээлэн буй орчин болон хойч үеийнхээ өмнө хүлээх маш том хариуцлага билээ. Энэ үүргээ бүрэн ухамсарлаж нийгмийн хариуцлагын бодлогын цар хүрээгээ хязгаарлалгүй улс орныхоо нийгэм, эдийн засгийн өсөлт, хөгжилтөд ч бодитой хувь нэмэр оруулж ирлээ. Цаашид улс орныхоо амар тайван байдал, ард иргэдийнхээ сайн сайхны төлөө бусадтай хамтарч ажиллахад нээлттэй байна.
https://www.youtube.com/watch?v=UnA4V3M8xic
ХҮНИЙ НӨӨЦ
ХҮНИЙ НӨӨЦИЙН БОДЛОГО
Дэлхийд өрсөлдөх хүчирхэг Монгол компанийг бүтээхээр мэдлэг боловсрол, авъяас чадвар, сэтгэл зүрхээрээ нэгдсэн залуус өмнөө тавьсан зорилгодоо хүрэхийн төлөө 1200-лаа ажиллаж байна.
ЧАНАРЫН БОДЛОГО
Тэсо корпораци нь чанар хүнсний аюулгүй байдлыг хувьд хуулийн дагуу хэрэглэгчийн хүсэл сонирхолд нийцсэн, хүнсний аюулгүй байдлыг 100 хувь хангасан бүтээгдэхүүн үйлдвэрлэн гаргахад чиглэх юм. Мөн үйлдвэрүүдийн техник шинэчлэлийг сайтар хийж, олон улсын стандартуудыг нэвтрүүлж, дотоод болон гадаад аудитын компаниар шалгуулж дүгнэлт авч ажиллахыг эрхэмлэх юм.
Аюулгүй үйл ажиллагаа явуулах боломж нөхцлийг бүрдүүлэхийн тулд дотоод болон гадаад сөрөг хүчин зүйлсээс урьдчилан сэргийлж, болзошгүй аюулыг тодорхойлж, эрсдлийг үнэлэх, эрсдлийг хянах зан үйлийг төлөвшүүлж хэвшүүлнэ.
Монгол улсын болон олон улсын холбогдох хууль тогтоомж, дүрэм журам, стандартыг чандлан баримталж, хүлээх үүрэг хариуцлагаа ухамсарлан үйл ажилллагааны нээлттэй, шударга байдлыг эрхэмлэнэ.
Аюулгүй ажиллагаанд сургагдсан ажилтан бэлтгэх зорилгоор ХАБЭА-н сургалтыг (хандлага + мэдлэг+ ур чадвар = аюулгүй ажиллагаанд сургагдсан ажилтан) гэсэн зарчмыг баримтлан тогтмол явуулна.
Нийт ажиллагсад, гэрээт гүйцэтгэгчид болон зочид, олон нийтэд учирч болох эрүүл мэнд, аюулгүй ажиллагааны аливаа аюул эрсдлээс урьдчилан сэргийлж, “Үйлдвэрлэлийн осол О байх” гэсэн зарчмыг баримтлан нэвтрүүлнэ.
Аюул, аюултай тохиолдолд Үл буруутгах зарчмыг эрхэмлэн ажилтаны хуулинд хүлээсэн эрхийг бүрэн эдлүүлэн түүнээс урьдчилан сэргийлэх арга хэмжээг авч ажиллана.
Ажилтан бүр осол эндэгдэлгүй ажиллах аюулгүй ажиллагааны соёл, зан үйл ур чадвар, мэдлэгээ тасралтгүй хөгжүүлнэ.
Энэхүү үүргээ биелүүлэхийн тулд “Тэсо Корпораци” нь ХАБЭА-н шилдэг туршлага, удирдлагын тогтолцоог нэвтрүүлж, хэрэгжүүлэн, үргэлж манлайлж ажиллана.
МЭДЭЭ МЭДЭЭЛЭЛ
